Գոմշակռիվը մեր ազգային խաղերից է։ Այսօր պարտեզիկների հետ այն իրականցրեցինք ։ Իսկ թե ի՞նչ ստացվեց…

Տիար Գևորգի թոռնիկ՝ կրտսեր Գևորգի ատամհատիրկի ծեսը նույնպես տեղի ունեցավ քոլեջ պարտեզում։ Ծիսական ջերմ մթնոլորտում երգեցինք, գովեցինք փոքրիկ Գևորիկին։

Այսօր պարտեզիկների հետ խաղացինք ազգային խաղիկներ՝ Աքլորակռիվ և Մայր հավիկը։ Կանոնները պարտեզիկների համար շատ պարզ էր ու հասկանալի, իսկ խաղը՝ ոգևորիչ ու զվարճալի։ Մանրամասը տեսանյութում

Գոմշակռիվ՝

Երկուշաբթի 11.01

• Նախաճաշ՝ միրգ`խնձոր, նարինջ, պանիր, հաց, ձու, կարագ, թեյ
• Ճաշ` պանիր, կաղամբ, հավով բրնձով ապուր, հաց
• հետճաշիկ՝ մածուն, թթվասեր, վերմիշելով փլավ, հաց

Երեքշաբթի 12.01

• Նախաճաշ՝ միրգ՝ խնձոր, նարինջ, կակաո, բիսկվիթ, պանիր, հաց
• Ճաշ՝ մսով բորշ, թթվասեր, հաց, պանիր
• Հետճաշիկ՝ աղցան, կարտոֆիլի պյուրե, հաց

Չորեքշաբթի 13.01

• Նախաճաշ՝ միրգ՝ բանան խնձոր, հերկուլես, հալվա, պանիր, հաց
• Ճաշ՝ կաղամբ, գազար, մսով, ոսպով ապուր, հաց
• Հետճաշիկ՝ մածուն, թխվածքաբլիթ, հաց, պանիր

Հինգշաբթի 14.01

• Նախաճաշ՝ միրգ՝ մանդարին, բանան, բրնձով շիլա, պանիր, հաց,
• Ճաշ՝ մսով կարտոֆիլովսոուզ, գազար, հաց
• Հետճաշիկ՝ մածուն, թթվասեր, թխ․ զեբրա, հաց, պանիր

Ուրբաթ 15.01

• Նախաճաշ՝ միրգ՝ բանան, նարինջ, մաննի, թեյ, պանիր, հաց
• Ճաշ՝ աղցան, վերմիշելով փլավ, հաց, մածուն, շոգեխաշած միս
• Հետճաշիկ՝ սպաս, շոկոլադ, հաց, պանիր

• Սաների ընդունելությունը կազմակերպվում է 08.45-09.30։ Դաստիարակներից մեկը 8:45 լինում է խմբասենյակում, ջերմաչափվում է, օդափոխում խմբասենյակը և սկսում դիմավորել սաներին։
• Մուտքի մոտ տեղադրված են ախտահանիչ հեղուկներ ձեռքերի համար (ալկոգել), իսկ հագուստի համար՝ 65 կամ 70 տոկոսանոց սպիրտ ցողող տարայով։ Դաստիարակներից մեկը դիմավորում է սաներին, ջերմաչափում և տվյալները լրացնում ջերմաչափման էլմատյանում: Երեխայի բացակայության կամ ուշացման, ինչպես նաև դրանց պատճառների մասին ծնողը դաստիարակներին տեղյակ է պահում մինչև 09։30: Երեխաներին ընդունում են բակում։ Դաստիարակներից մեկը, պահպանելով հեռավորությունը, սկսում է ջերմաչափել։

• Հենց տնից-նախակրթարան ճանապարհից էլ սկսում է նրանց ուսումնական գործունեությունը: Սաներն ինքնուրույն են զգեստափոխվում: Դասավորում են աթոռները, մաքրում փոշիները, խնամում են բույսերը, ջրում և փխրեցնում են հողը:
• 9:30-10:00—Ռոդարիական ուրախ մարմնամարզությանը միանում են կոմիտասյան երգն ու պարը: Դաստիարակը սանի հետ պետք է մագլցի, վազի, թռչի բարձրությունից, չոչ անի, գլուխկոնծի տա և այլն՝ խենթություներով լինելով անմիջական մասնակիցը կրթության, լինելով սաներից մեկը, ոգևորելով, երևակայելով…:
• Սաները հաճախ իրենք են շարժումները որոշում: Երբեմն մարմնամարզության ընթացքում կենդանիներ են դառնում, շարժումային տարբեր փոքրիկ ներկայացումներ են ստացվում, երբեմն ամբողջ վարժանքը պարի է վերածվում: Խաղաստեղծ միջավայր կարող է լինել նաև մեր մարմինը: Երբ նրան ավելացնենք«լույս + ստվեր= ստվերախաղբաղադրատոմսը», կստացվի իմացումի հերթական, իսկական հրճվանք: Ինչքան ուզում ես թափահարի՛ր ոտքերդ, ձեռքերդ, մարմինդ, մազերդ, ստվերային ներկայացումներ խաղա՛, կապիկություն արա՛, սավառնի՛ր, իրական ազատությունը զգա՛…:
• 10:00-10:30 — Նախաճաշ
• 11:00-12:00 — Ձմեռային պարտեզ
• 12:30-13:00 — Ճաշ
• 15:30-16:00 — Հետճաշիկ:
• Ես կարողանում եմ… (Ես կարողանում եմ ինքնուրույն լվացվել,հագնվել,սպասքադրել և հավաքել-մաքրել): Օրվա 4 հերթապահները նախապատրաստում են նախաճաշի, ճաշի և հետճաշիկի սեղանը:

• 13:00-15:00- Քուն (Աստղափայլ օրորներ):
• 15:00-16:00— Ազատ գործունեություն, կառուցողական խաղեր, տուն ճանապարհել:

Ձմեռային պարտեզ֊ Դեկտեմբեր, Հունվար, փետրվար ամիսների օրացույց

• Ամսվա հեքիաթը ֊ Սուտասանը
• Ամսվա բանաստեղծություն, հաշվերգ֊ Փիսիկի գանգատը, Փիսոն***Ըստում, ընդում, Դեղին դդում,
  Գցեմ, բռնեմ,վԳտնեմ ուտեմ,
  Պապոնց տանը տիտիկ անեմ:***Կոպալ, կոպալ, Իփլի կոպալ,
  Հերասա, Մերասա,
  Մերսա թալեց, Դուս թալեց:
• Ամսվա երգեր֊ Գնացեք տեսեք, Հե՜յ ջան, ղափամա, Տիտոխիկ
• Ամսվա ազգային խաղերը֊ <<Աչքկապուկ>>, ընկուզախաղեր, <<Մամի֊մամի>> և <<Մատ է, մատ է, քանի մատ է>> մատիկախաղերը։
• Ամսվա բակային խաղերը֊ ձյան առկայության դեպքում՝ ձնախաղեր, ձնաթաթախ գլորիկներ, ձնագնդի, ձյունե քաղաք։
• Ամսվա ընթացքում իրականացվելու է֊ Ղափամայի ծես, Ազգագրության փառատոն, Դիջիթեք 2021
• Ընտանեկան նախագիծ֊ գերդաստան, տոհմածառ, ընտանիք, բարեմաղթանքներ, օրհնանքեր, հանելուկներ, առածներ, ասացվածքներ, ազգային խոհանոց։

11.01 ֊15.01

• Ազգային խաղեր՝ աչքկապուկ, ընկուզախաղեր։
• Սառեցնում ենք ջուրը տարբեր առարկաների մեջ, հետո ուսումնասիրում, հետևում թե ինչպես է սառույցը հալվում։
• Ազգային, տարազային տիկնիկների պատրաստում
• Մարզական խաղեր՝ ցատկ բարձրությունից, գլուխկոնծի
• Շնչառական խաղ՝ ձողիկով, ձեռնոցով ու բաժակով

18.01 ֊ 22.01

• Մարզական օր՝ հեծանվավարություն, վազք, ցատկ,
• Ազգային խոհանոց֊ թխում ենք համեղ նազուկ
• Ուսումնասիրում ենք սառույցը ՝ մատիկներով, խոշորացույցով։
• Այլընտրանքային նկարչություն սառույցի վրա։
• Դդմագլորներ
• Դդմակերպարներ

25.01 ֊30.01

• Տեխնոլոգիական աշխատանք՝ պատրաստում ենք թղթե դդումներ, ձևավորում ենք խմբասենյակը
• Պատրաստում ենք դդում կրծքազարդեր
• Դդմե դիմակների շքերթ
• Դդմամարզումներ
• Համտեսում ենք համեղ դդումը, դդումի միջուկով կարկանդակ ենք պատրաստում Ղափամայի ծեսի հյուրասիրության համար։

Սեմինարներ

11.01 ֊ պարի սեմինար

18.01 ֊ պարի սեմինար

25.01֊ պարի սեմինար

19.01 ֊ <<Բարբառներ>> ակումբի շրջանակներում <<Բարբառով հեքիաթի ընթերցում>> Քոլեջի 5 տարեկանների խմբում։

Անվանումը՝  Ամանորն ընտանիքում

Տևողությունը՝Հունվարի 1-10

Մասնակիցներ՝ Քոլեջ-պարտեզի սաներ, ընտանիքի անդամներ

Նպատակը՝ Պահել դաստիարակ֊սան֊ծնող ամուր կապը,  ստեղծել ամանորյա գեղեցիկ տոնական փաթեթ։ Իրականացնել հեռավար֊առցանց կրթություն։

Խնդիրներ՝ Երեխաների տոնական օրերի անցուդարձը նկարահանելով,  տոնական ֆիլմեր ստեղծելով՝ ունենում ենք լավ ու բարի հիշողություններ, հետաքրքիր սովորույթները, ուտեստները, խաղերը փոխանցվում են ընտանիքից ընտանիք։

Առաջարկվող թեմաները՝

• Ամանորյա տան և բակի զարդարանքներ
• Ամանորյա տոնածառների շքերթ.
• Ամանորյա չարխափաներ
• Ամանոր. Սուրբ ծնունդ
• Ամանորյա ընտանեկան բարեմաղթանքներ
• Ամանորյա ընտանեկան մարզական խաղեր
• Ամանորյա ընկուզախաղեր
• Ամանորյա ծիսական խոհանոց
• Տոնական բացիկների պատրաստում
• Տոնական ռադիոհաղորդումներ
• Ընտանեկան տոնական ուտեստներ
• Ամանորը մեր ընտանիքում
• Ամանորյա Ներկայացումներ( թատրոններ, այգիներ, սահադաշտ, զբոսանք, ճամփորդություն…)
• Ձնախաղեր, ձնաթավալ

Ամանորի ծեսը, ոչ միայն պարտեզիկների, այլ բոլորիս ամենասպասված տոնն է։

Մեր ծեսը դեկտեմբերի 28֊ին էր։ Նախ սկսեցինք ընդհանուր երգորով ՝ծնողների հետ միասին, մեզ հույուր եկավ Ձմեռ Պապիկը իր ամանորյա բարեմաղթանքներով։

Հետո ծեսը շարունակեցինք ամանորյա խաղիկներով, ավանդական սուջուխ պատրաստելով, նվերնորի հանձմամբ։ Ծեսը ավարտեցինք ավանդական 《Կոճակաով գաթայով》, բարեմաղթանքներով։ Իսկական հեքիաթ մեր փոքրիկներ և ինչու չէ, նաև մեծիկների համար։

Ինչ Ամանոր առանց ավանդական կոճակով կլոր գաթայի։ Այսօր պարտեզիկների հետ պատրաստեցինք կոճակով գաթա, որը մեծ ոգևորություն էր առաջացրել խմբում՝ մեկն ուզում էր գրտնակել, մյուսը ձուն խփել, խորիզ պատրաստել։

Բայց ամենից շատ երեխաները անհամբեր սպասում էիրն համտեսին։ Իսկ ի՞նչ եղավ վերջում տեսանյութը կասի, միայն ավելացնեմ Արսենի հառաչանքով խոսքը.

_Գիտես ընկեր Արմինե իմ մաման կաճակով գաթա չի պատրաստում։